شرج التنظيم الاداري بالدارجة

شرح التنظيم الإداري بالدارجة بطريقة مبسطة
الدولة المغربية كاتبنى جوج طرق او لا اساليب فتنظيم الإدارات ديالها من حيت تسيير المالي او الاداري هاد الاسلوبين هما المركزية ولامركزية
فاش تسمع المركزية كانقصدو بيها نهج او طريقة تتبعها الدولة باش تنظم شؤون ديالها هاد التعريف عام او فاش تسمع الادارة المركزية كانعنو بها الادارات العليا كاينة فرباط هما لي على رأسهم الوزراء او رئيس الحكومة مثلا وزارة التربية الوطنية او المركزية كايتفرعو عليها جوج انواع خرين .يعني باش تكون عندنا المركزية خاصو يكونو عندنا هاد جوج انواع لي هما صور المركزية كاين التركيز او الممركزة نفس المعنى غير هصنا تفرقو بين المصطلحات ركزو مزيان فاش نقول التركيز الإداري كانقصو بيه نهج يعني طريقة فتسبير او الى سمعنا الإدارة الممركزة هي ادارة كاتبع طريقة التركيز الاداري هي لي كايكون فيها رئيس الحكومة او الوزراء كايتحكمو مباشرة في المهام لي عندهم بلا مايتشاورو مع شي حد ... مثلا وزير المالية كايدير خدمتو لي هي يفرق الميزانية ديال الدولة على القطاعات (التعليم .الصحة ..الى اخر) .. او كاين اللاتركيز الإداري او الإدارة اللاممركزة نفس المعنى تاهي ماكين تاختلاف .. اللاتركيز هي صورة من صور المركزية نفس الشئ فاش نسمعوا اللاتركيز الإداري دائما خصني نكتب انه اسلوب تتبعه الدولة من اجل تسير اداراتها المتمركزة خارج العاصمة او التركيز الاداري لي شرحتو لفوق كانعاود نفس التعريف كانغيرو غير المتمركزة خارج العاصمة كانديرو التي توجد بالعاصمة ... المهم هاد اللاتركيز نشرحو ليكم من خلال المتال ديال وزير المالية كايشغل فوزارة المالية (الإدارة الممركزة اسلوب التركيز الاداري ) .. المهم هاد وزير المالية كايكون تحت من سلطة ديالو وزير منتدب يعني الوزير المنتدب غير كايساعد وزير المالية مثلا كايقول وزير المالية لوزير المنتدب أنا غادي نتكلف بقطاع التعليم او الصحة او الفلاحة او السياحة نتا تكلف ليا بقطاع الصيد البحري يعني هاد وزير المنتدب كاينوب على وزير المالية فهاد القطاع وزير المالية كايفوض ليه الاختصاص أو التوقيع هاد جوج عقلو عليهم تفويض الإختصاص والتوقيع هما معيار من معاير التميز ... يعني كايسمح ليه يخدم فبلاصطو او كايفوض ليه التوقيع مثلا الى رتاكب شي خروقات وزير المالية هو لي يتحمل مسؤليتو حيت كلشي جاي من جيهتو لان الأوامر كلها جاية من المركز العاصة يعني الوزارة المتمركزة في الرباط وزير المنتدب غير كايطبق الاوامر من الفوق او وزير المالية كايرقب الوزير المنتدب رقابة قبلية يعني مثلا الى بغا يدير وزير المنتدب شي أجراء تا كايوافق عليه بشكل قبلي عاد يمكن ليه يدير اجراء تم ان هاد الاسلوب ما كايتمتع بالشخصية المعنوية او الاعتبارية يعني الادرات معندهمش دمة مالية مستقلة او او تسيير مستقل ديما كاينة ديك تبعية او الهرمية يعني شخص يخضع لشخص بحال مثلا وزير الداخلية تحت منو العامل او الولي تحت من القايد ثم الشيخ او رئيس الدائرة ثم الباشة وصولا الى المقدم هدا غير مثال فقط او هاد الرقابة القبلية عقلو عليها هي الشخصية المعنوية او تدرج السلط او التبعية او الهرمية راه تا هم معايير ديال التمييز بين اسلوب المركزية لي فيه دوك جوج صور لي دكرت لفوق او اسلوب اللامركزية لي كايختالف على اسلوب المركزية غادي نحاولو نشرحوها تا هي
اللامركزية هي الاستقلالية عن المركز في تدبير وتسير الدولة لشؤونها ..اللامركزية فيها جوج صور (1 )اللامركزية الثرابية او (2) اللامركزية المرفقية
اللامركزية الثرابية هي لي كاتمثل بحسب الفصل 135 في الجماعات الثرابية لي هي الجيهات العمالات او الاقاليم او البلديات او الجماعات القروية ... اللامركزية الترابية كاتمتع بالشخصية المعنوية يعني كاتسير او كاتدبر شؤون ديالها راسها براسها بدون تدخل الدولة هاد الشخصية المعنوية منحها ليها الدستور الفصل 135 الجماعات الترابية هي اشخاص معنوية خاضعة للقانون العام تسير شؤونها بكيفية ديمقراطية ..يعني الدولة باش تخفف العبء عليها دارت هاد اللامركزية الثرابية باش الجيهات مثلا جهة سوس ماسة تحاول تطور التنمية المستدامة لهي الحفاظ على الثروات للأجيال القادمة مثل ترشيد استغلال الماء الكهرباء او الثروة السمكية .. تم العمالات او الاقاليم كايهتمو بمحاربة الفقر في المدن او الهشاشة في القرى او الجماعات لهي البلديات او الجماعات القروية الهدف ديالها تقريب الادارة من المواطن و لتخفيف الضغط على المركز .. او خصكم تفرقو بين العامل والوالي كسلطة مركزية او رئيس مجلس العمالة كسلطة لامركزية ..فاش تسمع عامل او لا والي عرفو بلي هو سلطة مركزية فاش تسمع رئيس مجلس العمالة او مجلس الاقليمي او لبلدي او القروي عرفو بلي سلطة لامركزية او العامل راه كايعينو الملك اما رؤساء المجالس كايشدو لبلاصة بالانتخابات